السلام عليكم ورحمة الله وبركاته.. أهلاً بكم جميعاً ويارب تكون هذي السنة سنة خير و بركة عليكم .
اليوم بتكلم عن منتج طحت عليه في الفترة الأخيرة و ما حبيت كثير استعجل في الحكم عليه و اللي تتابعني على الإنستقرام بتشوفني انزل لكم تجاربي مع المنتجات و رأيي فيها بشكل متواصل و في المدونة هنا بيكون الحكم النهائي على المنتج .
( الشامبو و البلسم للشعر ) من ايف روشيه لخاص بالشعر الجاف و فيه أكثر من مجموعة عندهم لكن حبيت اختار هذي المجموعة لأن شعري مصبوغ فهو معرض أكثر للجفاف و النفشة ، جربت شامبوهات كثير لكن ما حصلت المطلوب وهو معالجة جفاف الشعرة بمكوناته الطبيعية و خلوني هنا أوضح شغله كتبتها الإنستقرام صعب جداً صعب تجدي منتج شعر أو بشرة نقي 100% (Pure) من المواد الكيميائية لأن بعض المواد الكيميائية قد تساعد في المعالجة إذا كانت متواجده بنسب متوازنه يعتمد على جودة المنتج في النهاية .
لكن عليك معرفة بعض المواد الكيميائية اللي ممكن تضر بشعرك بشكل كبير لو كانت متواجده في منتج الشعر :
1- مادة السيلكون : لهذي المادة أنواع و الموضوع فيها متشعب وحاولت أدور على مصدرعربي استند عليه حتى لا يطول الموضوع في هذي التدوينة ، انصحكم بقراءة تدوينة "ارتوس"
الرابط : هل منتجات السيلكون مضره بالشعر والبشرة ؟
2- مادة البارابين
3-الملونات
هذا الشامبو خالي من كل المذكور فوق يعيد الجمال للشعر بفضل بذور زيت الجوجوبا والنعومة الطبيعية مع تموجات خفيفة للشعر
( طبيعة شعري فيه تموجات و حابتها فكنت ادور على منتج يحافظ على هذي التموجات بنفس الوقت يعالج الجفاف ) .
البلسم كريمي غني بحليب الشوفان العضوي و زيت اللوز الحلو ، يفكك التشابك و بتحسي بالنعومة من استخدامك الأول للمنتج .
الريحه : واعتبرها ميزه رهيبة فيه لطيفة و غير مزعجة .
اُعتمد عندي هذا الشامبو بالإضافة للبسلم و ممكن ارجع لهم علشان اجرب باقي منتجات المجموعة و أنا أقولكم خذوا المجموعة اللي يحتاجها شعركم لأن هذي المجموعة خاصة بالشعر الجاف .
اعطى لشعري النعومة المطلوبة واعاد التوازن خلال تجربة مدتها شهرين ونص .
{ الى هنا اكون انتهيت اشوفكم في تدوينات آخرى و دائماَ كونوا أفضل }
شاركوني تعليقاتكم في المدونة أو حساباتي الشخصية
snap:abeer3id
insta:abeer3id
تعليقات
إرسال تعليق