مساء الخير .. أو صباح الخير على حسب توقيتك اليوم بتكلم عن العناية بالأظافر حبيت انزل هذا الموضوع لأني عانيت كثير منه قبل كم شهر ، تجربتي ما تختلف ابداً عن المشاكل اللي دايماً نسمعها من ضغف و تأخر في النمو و عدم التناسق و الأهم من هذا كله المشكلة النفسية ! اوه عبير مشكلة نفسية ايش دخلها بالأظافر ؟ لها دخل ونص أظافرك مرايتك منها تقدري تحددي اذا عندك مشاكل صحية نفسية وغيرها كلنا نعرف النفسية السيئة كيف تأثر على البشرة و على الشعر كمان تأثر على الأظافر وصحتها ما أعرف كيف أوصل لكم معاناتي مع المشكلة هذي بالتحديد ! ببدأ بالأسباب النفسية ( السيئة ) : - الإختبارات : للأسف كانت أكثر فترة أجرم في حق أظافري أكلها بس ما ابلعها و بعد ما اخلص صحيح ارتاح لكن يجيني شعور تأنيب الضمير . - السفر : مع تلخبط النوم و تعب السفر أهملها لأني كنت اسافر بشكل اسبوعي لمدينة جده و كنت اتعب نفسياً كانت فتره علاج لكن الحمدلله انتهت هذيك الفترة . متأكده فيه كثير بنات يعانون من هذي المشكلة النفسية بإختلاف الأسباب ممكن ما تعتبرها مشكلة نفسية لكن تعتبرها " عاد...